२ वर्ष अगाडि

पौष १७, पोखरा – ४९औं राष्ट्रिय एकता तथा मेलमिलाप दिवसको अवसरमा नेपाली कांग्रेस प्रदेश क क्षेत्रीय कार्य समितिको आयोजनामा वि.पी. स्मृती भवन कुश्मामा जेष्ठ नागरीक सम्मान तथा अन्तरक्रिया कार्यक्रम सम्पन्न भएको छ । कार्यक्रममा कुश्मा नगरपालिका, वडा ं.४ मा रहनु भएका ७० जना जेष्ठ नागरीकलाई सम्मान गरिएको छ भने पेशागत क्षेत्रवाट कुनपा–४ निवासी इन्जिनियर मन्जु सिल्पकारलाई नेपाल इन्जिनियरीङ्ग एशोसिएसन, गण्डकी प्रदेशको सहसचिव पदमा निर्वाचित हुनु भएकोमा पाटीको तर्फवाट सम्मान गरिएको छ । सम्मानित सवैलाई कार्यक्रमका अध्यक्ष एवम् प्रमुख अतिथिले सम्मानपत्र र दोसल्ला ओढाई सम्मान गर्नु भएको हो ।

कार्यक्रममा प्रमुख अतिथिको आसनवाट वोल्दै नेपाली कांग्रेसका केन्द्रिय सदस्य गोविन्द वहादुर शाहले मेलमिलाप दिवसकै अवसरमा जेष्ठ नागरीक सम्मान गर्नु सह्रानीय भएको वताउनु भयो । उहाँले वि.पी. को मेलमिलाप नीतिको कुरा गर्ने तर व्यवहारमा लागु नगर्नेहरुको अव राजनीतिक भविस्य नरहेको वताउनु भयो । वि.पी. विश्वले स्वीकार गरेको राजनेता भएको वताउदै अहिले कांग्रेस मात्र होईन, नेपाल राष्ट्र र सवै दल उहाँको नीतिको निकट रहेको उहाँको दावी गर्नु भएको छ । शाहाले कांग्रेसको सय दिने अभियान आँफूले अपेक्षा गरे अनुसार प्रभावकारी हुन नसकेको भन्दै पाटीले तोकेको समय सिमा भित्र सवैले आफ्नो जिम्मेवारी पुरा गर्नेमा विश्वास व्यक्त गर्नु भयो ।

कार्यक्रममा विशिष्ट अतिथिको आसनवाट वोल्दै गण्डकी प्रदेश सभा सदस्य रेखा गुरुङ्गले कार्यक्रमको आयोजना गरेको क्षेत्रीय समितिलाई धन्यवाद दिंदै पाटीका सवै नेता कार्यकर्तालाई समान महत्व दिएर अगाडी वढन सकेमा मेलमिलाप दिवसको अर्थ रहने वताउनु भयो । कार्यक्रममा नेपाली कांग्रेस गण्डकी प्रदेश सदस्य रामकृष्ण मल्लले पर्वत कांग्रेसमा मिलमिलापको जति कुरा गरे पनि व्यवहारिक रुपमा भावनात्मक एकता कायम हुन नसकेको स्पष्ट पानु भयो ।

कार्यक्रममा पाटीका उपसभापतिद्वय डा.चुडामणी शर्मा, शिव प्रसाद सुवेदी, महासमिति सदस्य वसन्त सि.के., नेपाली कांग्रेस पर्वतका युवा नेता, निवर्तमान पाटी सचिव डा. विश्व प्रकाश प्रसाई, जलजला गाँउपालिका अध्यक्ष राजु प्रसाद आचार्य, महाधिवेशन प्रतिनिधी शिव अधिकारी, कुश्मा नगरपालिकाका सभापति किशोर भण्डारी, मोदी–७ का सभापति नारायण प्रसाद गौतम लगायतले वि.पी. को मेलमिलाप नीति र वर्तमान सन्दर्भको वारेमा आफ्नो मन्तव्य राख्नु भएको थियो ।

नेपाली कांग्रेस पर्वत क का क्षेत्रीय समितिद्वारा आयोजित जेष्ठ नागरीक सम्मान तथा अन्तरक्रिया कार्यक्रम क्षेत्रीय सभापति राजकुमार क्षेत्रीको अध्यक्षता, कोषाध्यक्ष चित्रकला भारतीको स्वागत एवम् सचिव केशव प्रसाद उपाध्याय र वलवहादुर पुनको सञ्चालनमा सम्पन्न भएको रेडियो समृद्ध सहकर्मी इश्वरी प्रसाद शर्माद्वारा सम्पादित समाचारमा जनाइएको छ ।

पौष १७,पोखरा – ४९औं राष्ट्रिय एकता तथा मेलमिलाप दिवस, २०८१ को अवसर पारेर विश्व प्रसाई वि.पी. फाउण्डेशन नेपालले पर्वत सदरमुकाम कुश्मामा “आन्तरिक पाटि भावनात्मक एकताः आजको आवश्यकता” विषयक विचार गोष्ठी आयोजना गरेको छ ।

कार्यक्रमका अतिथिहरुलाई स्वागत एवम् गोष्ठीको उद्देश्य माथी प्रकाश पार्दै वि.पी. फाउण्डेशन नेपालका अध्यक्ष डा.विश्व प्रकाश प्रसाईले आँफू माथि मृत्यूदण्ड हुने सक्ने एक दर्जन मुद्दाको प्रवाह नगरी राष्ट्र र राष्ट्रियताको रक्षार्थ महामानव विश्वश्वर प्रसाद कोईराला मेलमिलापको नीति लिएर २०३३ साल पौष १६ गतेका दिन निर्वासित जीवन त्याग्दै स्वदेशः फर्कनु भएको वताउनु भयो । उहाँले राष्ट्र, राष्ट्रियता र प्रजातन्त्रको लागि महामानव वि.पी. को त्याग र योगदान अतुलनीय रहेको भन्दै यस्ता व्यक्तित्वको अनुयायीहरु आफ्नो पाटी र जनताको हितको लागि किन भावनात्मक रुपमा एक हुन सकेका छैनौ भनि प्रश्न गर्नुभयो । उहाँले नेपाली कांग्रेस विना देशमा लोकतान्त्रिक गणतन्त्र नै खतरामा पर्न सक्ने भन्दै सगम्र राष्ट्रिय राजनीतिको रक्षाको लागि कांग्रेस भित्र भावनात्मक एकता र राष्ट्रलाई सुधार सहितको कांग्रेसको नेतृत्व जरुरी भएको वताउनु भयो ।

कार्यक्रममा प्रमुख अतिथिको आसनवाट वोल्दै नेपाली कांग्रेसका केन्द्रिय सदस्य एवम् पुर्व सञ्चार राज्य मन्त्री गोविन्द वहादुर शाहले महामानव वि.पी. सँधै मेलमिलापको पक्षमा भएको वताउनु भयो । २००७ सालको क्रान्ति देखि हरेक सन्दर्भमा राष्ट्रियताको रक्षा, लोकतन्त्र प्राप्ती र सवलीकरणको लागि वि.पी. को मेलमिलापको नीति अपरिहार्य रहेको उहाँको भनाई थियो । यहि नीति अनुरुप अन्य राजनीतिक शक्तिहरुसंग सहकार्य, समिकरण र गठवन्धन गर्दै नेपाली कांग्रेस अगाडी वढेको उहाँको भनाई थियो । प्रमुख अतिथि शाहले नेपालको इतिहासलाई नियाल्ने हो भने नेपाली कांग्रेसलाई सिद्धाउन खोज्ने जुनसुकै शक्तिको स्वतः अन्त्य भएको भन्दै उदाहरणको रुपमा राणा, राजा हुँदै विद्यमानमा विभिन्न दलको हविगतले स्पष्ट हुने वताउनु भयो । महामानव वि.पी. को क्षमता र राजनीतिक कौशलताको वारेमा दिनभर व्याख्या गरेपनि नसकिने भन्दै उहाँको नीतिमा केन्द्रित रहेर नेपालको राजनीति अगाडी वढेको उहाँको भनाई थियो ।

विचार गोष्ठीमा विशिष्ट अतिथिको आसनवाट वोल्दै गण्डकी प्रदेश सभा सदस्य रेखा गुरुङ्गले फाउण्डेशनवाट अति रचनात्मक कार्यक्रम आयोजना गरिएकोमा धन्यवाद दिंदै आजको दिनदेखि सवै कांग्रेसजन सच्चिनुको विकल्प नरहेको वताउनु भयो । नेताको सही कदमलाई सही र गलत कदमलाई गलत भन्न नसेकेसम्म पाटी सुद्धृद हुन नसक्ने उहाँले भनाई थियो ।

कार्यक्रममा नेपाली कांग्रेसका उपसभापतिद्वय डा. चुडामणी शर्मा, शिव प्रसाद सुवेदी, सचिव गुप्तनिधी शर्मा, सहसचिव तिलक भुषाल र कोषाध्यक्ष हेम शर्मा पौडेलले पाटीका गतिविधीको वचाउ गर्दै वर्तमान जिल्ला नेतृत्वले सवै नेता तथा कार्यकर्तालाई समान व्यवहार गर्दै आपासी एकता कायम गर्न पहल गरेको दावी गर्नु भयो ।

नेपाली कांग्रेसका जिल्ला सदस्य सावित्री खत्री क्षेत्री, ओम प्रसाद शर्मा घायल, गणेश वहादुर क्षेत्री, कुश्मा नगर सभापति किशोर भण्डारीले आन्तरिक मेलमिलाप र भावनात्मक एकता कुरामा नभई व्यवहारमा देखिनुपर्नेमा जोड दिनु भयो ।

विचार गोष्ठीमा भाग लिंदै नेकपा एमाले कुश्मा नगर सदस्य प्रेम प्रसाद शर्माले वि.पी. कांग्रेसको मात्र नेता नभई नेपाली राजनीतिको साझा नेता र उहाँको नीति सवैको साझा नीतिको रुपमा रहेको वताउनु भयो । आध्यामित्क व्यक्तित्व पृथ्वी शर्माले कांग्रेसले राष्ट्रियता, लोकतन्त्र, समाजवादको अलवा धार्मिक स्वतन्त्रताको मुद्दा संगसंगै लैजानुपर्ने सुझाव दिनु भयो ।

नेपाल कर्मचारी युनिएनका केन्द्रिय सदस्य याम प्रसाद शर्मा, लोकतान्त्रिक उद्योग व्यापार संघका अध्यक्ष शिव शर्मा पौडेल, नेपाल पत्रकार महासंघ पर्वतका उपाध्यक्ष संगिता के.सी., नेपाल प्रेस युनिएनका अध्यक्ष उत्तम प्रसाद अधिकारी, सदस्य इश्वरी प्रसाद शर्माले कांग्रेसको भविस्यसंग हरेक पेशागत संघसंस्थाको भविस्य जोडिएको हुँदा पाटीमा भावनात्मक एकताको खाँचो रहेकोमा जोड दिनु भयो ।