१ महिना अगाडि

असार ३, पाेखरा – त्रिभुवन विश्वविद्यालय (त्रिवि)ले अध्ययन बिदा लिएर अध्ययन पूरा गरेपछि विश्वविद्यालयको सेवामा नफर्किएका प्राध्यापक तथा कर्मचारीलाई १५ दिनभित्र सम्पर्कमा आउन निर्देशन दिएको छ ।

त्रिविको अध्ययन बिदा सुव्यवस्थापन कार्यान्वयन समितिले आज सार्वजनिक सूचना निकालेर अध्ययन बिदा उपभोग गरेपश्चात् विश्वविद्यालयको नियमानुसार सेवामा नफर्केका तथा तोकिएको अवधि पूरा नगरी सेवा छाडेका शिक्षक÷कर्मचारीलाई समितिको कार्यालयमा सम्पर्क राख्न आग्रह गरेको हो ।

सूचनामा तोकिएको समय सीमाभित्र सम्पर्कमा नआए विश्वविद्यालयसँग गरिएको कबुलियतनामा एवं नियमानुसार कानुनी कारबाही प्रक्रिया अघि बढाइने उल्लेख छ । त्रिविका अनुसार अध्ययन बिदा लिएर सेवामा नफर्किएका ५० जना प्राध्यापकबाट अहिलेसम्म ११ करोड ८४ लाख रुपैयाँभन्दा बढी रकम फिर्ता भइसकेको छ ।

विश्वविद्यालयले अध्ययन बिदा दक्ष, अनुसन्धानमुखी तथा अन्तरराष्ट्रिय स्तरको प्राज्ञिक जनशक्ति उपलब्ध गराउने उद्देश्यले प्रदान गरिने विशेष सुविधा भएको उल्लेख गरेको छ । केही प्राध्यापकहरूले अध्ययन बिदाको दुरुपयोग गर्दै अध्ययन पूरा गरेपछि सेवामा नफर्किएकाले विश्वविद्यालयलाई आर्थिक, शैक्षिक तथा प्राज्ञिक क्षति पुगेको त्रिविको भनाइ छ ।

त्रिविले बिदा सुविधा उपयोग गर्ने प्राध्यापकले सम्झौताअनुसारको सेवा दायित्व पूरा गर्नुपर्ने व्यवस्था रहेको स्मरण गराउँदै बाँकी रकम असुली प्रक्रिया निरन्तर अघि बढाइने जनाएको छ ।

असार १ पाेखरा – मलमास अर्थात् अधिकमास आजदेखि सकिंदैछ । गएको जेठ ३ गतेदेखि शुरु भएको मलमासको आज अन्तिम दिन हो । हरेक ३२ महिना १६ दिन एक घण्टा ३६ मिनेटमा मलमास पर्ने गर्छ । अधिकमासलाई पुरुषोत्तममास पनि भनिन्छ । मलमासका कारण रोकिएका धार्मिक तथा साँस्कृतिक कार्यक्रम भोलिदेखि शुरु हुँदैछन् । पर्सि रातो मच्छिन्द्रनाथको रथ लगनखेलको थतिटोलबाट तानेर जावलाखेल पुर्याउने तयारी छ । आज सोमबारे औँसी पनि मनाइँदैछ । सोमबार औँसी परेका दिन बिहान नबोली स्नान गर्ने वैदिक सनातन धर्मावलम्बीको प्राचीनकालदेखिको परम्परा रही आएको छ । अधिक ज्येष्ठ कृष्ण औँसी आज सोमबार परेको हो ।

जेष्ठ ३१ , पोखरा – रोटरी क्लव अफ पर्वतको आयोजना, रोटरी क्लव अफ काठमाण्डौको सहयोग एवम् स्थानीय नारायण माध्यामिक विद्यालयको संयोजनमा पर्वत जिल्ला कुश्मा नगरपालिका अन्र्तगत रहेका विभिन्न विद्यालयका २५ जना शिक्षक शिक्षिकको लागि शनिवार देखि दुई दिने सुचना तथा सञ्चार प्रविधि सम्वन्धि तालिम कार्यशाला शुभारम्भ भएको छ । सामुदायिक विद्यालयमा अध्यापन गराउने शिक्षक शिक्षिकाको सुचना प्रविधि सम्वन्धि क्षमता अभिवृद्धि गर्ने उद्देश्यले आयोजित उक्त तालिम कार्यशालामा नारायण माध्यामिक विद्यालयको साथै सो अन्र्तगतका फिडर विद्यालयका शिक्षक शिक्षिकाको सहभागिता रहेको छ ।

तालिम शुभारम्भ कार्यक्रममा वोल्दै विद्यालय व्यवस्थापन समितिका अध्यक्ष कृष्ण प्रसाद शर्माले आँफू विद्यालय व्यवस्थापन समितिको सदस्य हुँदै नेतृत्वमा आईपुग्दा झण्डै १२ वर्ष विद्यालयको हरेक गतिविधीमा संलग्न रहेको तर यस किसिमको उपयोगी प्राविधिक तालिम कार्यशाला पहिलो पटक रोटरी क्लव अफ पर्वतले आयोजना गरेको भन्दै क्लवप्रति आभार व्यक्त गर्नुभयो । तालिम शुभारम्भ कार्यक्रममा वोल्दै रोटरी क्लव अफ पर्वतका संस्थापक अध्यक्ष विश्व प्रकाश प्रसाईले रोटरी एउटा विश्वव्यापी सेवामुलक संस्था भएको वताउदै शिक्षा, स्वास्थ्य, आयआर्जनको क्षेत्रमा काम गर्दै आएको वताउँदै शिक्षा र प्राविधीक ज्ञानमा अध्यात्मिक चिन्तनलाई एकिकृत गर्न सकेमा सिकाईले पुर्णता पाउने वताउनु भयो । शिक्ष्ँक विद्यार्थीहरुमा आध्यात्मिक चिन्तन, वैदिक सनातनी संस्कारमा ह्रास आएसंगै अनुसासनमा कमी आएको भन्दै संस्थापक अध्यक्ष प्रसाईले आध्यात्मिक चिन्तन, वैदिक सनातनी संस्कार, विज्ञान संवत शिक्षा र शुसासित राजनीतिको लागि आफ्नो वाँकी जीवन समर्पित रहेको वताउनु भयो । शुभारम्भ समारोहमा रोटरी क्लव अफ पर्वतका पुर्व अध्यक्षद्वय उत्तम प्रसाद अधिकारी, योगराज गिरी, रोट्याक्ट क्लव अफ पर्वत पोखराका प्रतिनिधी मितेश हमाल समेतको सहभागिता रहेको थियो ।

जेष्ठ ३० , पोखरा – भारतीय पर्यटकको आगमनसँगै पर्यटकीय राजधानी पोखरा यतिबेला भरिभराउ बनेको छ । लेकसाइड क्षेत्रमा पर्यटकको चहलपहल बढ्दा डुङ्गा सयरदेखि ट्रेकिङ गतिविधिसम्म चलायमान बनेको छ ।

फेवातालमा एकै दिन ५ हजारभन्दा धेरै पर्यटकले डुङ्गा सयर गरेको डुङ्गा व्यवसायीले बताएका छन् । त्यस्तै, अन्नपूर्ण क्षेत्रलगायत आसपासका पदमार्गमा पनि भारतीय पर्यटकको उल्लेख्य उपस्थिति देखिएको छ ।

पर्यटकको बढ्दो चापसँगै पोखराका धेरैजसो होटल भरिभराउ भएका छन् । पर्यटकले होटल भरिएपछि व्यवसायीहरू खुशी छन् । ‘अफसिजन’ मानिने यो बेला पनि पोखरामा भारतीय पर्यटकको संख्या बढेको ट्रेकिङ एजेन्सी एशोसिएशन अफ नेपाल (टान) गण्डकीका अध्यक्ष कृष्णप्रसाद आचार्यले बताउनुभयो ।यसलाई नेपालको पर्यटन क्षेत्रका लागि सुखद र सकारात्मक संकेतका रुपमा लिन सकिने उहाँ बताउनुहुन्छ ।

होटल संघ पोखराका अध्यक्ष लक्षुमण सुवेदीकाअनुसार विगत ३२ वर्षकै इतिहासमा यस वर्ष सबैभन्दा धेरै भारतीय पर्यटक नेपाल भित्रिएका छन् । वैशाख नयाँ वर्षयता बढेको पर्यटकको चाप जेठको अन्तिमसम्म पनि निरन्तर रहेको छ ।

पोखरा मात्र नभई गण्डकी प्रदेशका अन्य धार्मिक तथा पर्यटकीय स्थल मुक्तिनाथ र विभिन्न पदयात्रा मार्गहरूमा समेत भारतीय पर्यटकको संख्या उत्साहजनक देखिएको छ । भारतमा बढ्दो गर्मी छल्न र बिदाको सदुपयोग गर्नका लागि भारतीय नागरिकले नेपाललाई उपयुक्त र उत्कृष्ट गन्तव्यका रूपमा रोजेका छन् ।

जेष्ठ ३० , पोखरा – सेफ सन्तोष साह पक्राउ परेका छन् । साहलाई बैंकिङ कसुरमा गएराति जनकपुरबाट पक्राउ गरिएको काठमाण्डौ उपत्यका अपराध अनुसन्धान कार्यालय टेकुले पुष्टि गरेको छ ।

काठमाण्डौ गैरीधारामा रहेको एक रेष्टुरेन्ट खरिदको विषयमा पुरै रकम नदिएको भन्दै साहविरुद्ध सकुन्तला थापा (अधिकारी)ले मुद्दा दायर गर्नुभएको थियो ।

जिल्ला अदालत काठमाण्डौको अनुमति पाएपछि धनुषाको जनकपुरधाम उपमहानगरपालिका–८ रमानन्द चोकबाट साहलाई पक्राउ गरिएको उपत्यका अपराध अनुसन्धान कार्यालय टेकुले जनाएको छ ।

जेष्ठ २६ , पोखरा – प्रधानमन्त्री बालेन्द्र (बालेन) शाहले सांसद सुधन गुरुङलाई गृहमन्त्रीमा नियुक्त गर्नका लागि राष्ट्रपति रामचन्द्र पौडेलसमक्ष सिफारिश गर्नुभएको छ । गुरुङले आजै दिउँसो ३ बजे राष्ट्रपति पौडेलबाट पद तथा गोपनीयताको शपथ लिने तयारी छ ।

यसअघि गुरुङ गएको चैत १३ गते गृहमन्त्री नियुक्त हुनुभएको थियो । तर सम्पत्ति विवरणको विषयमा प्रश्न उठेपछि उहाँले राजीनामा दिनुभएको थियो ।

आज बसेको मन्त्रिपरिषद्को बैठकले पूर्वगृहमन्त्री गुरुङको सम्बन्धमा अध्ययन तथा छानबिन गर्न गठित समितिले पेश गरेको प्रतिवेदन ग्रहण गरेसँगै गृहमा उहाँ फर्कनु लाग्नुभएकाे हाे ।

यस्तै विज्ञान, प्रविधि तथा नवप्रवर्तन मन्त्रीमा महावीर पुनलाई सरकारले सिफारिश गरेको छ । उहाँले पनि आजै राष्ट्रपतिसमक्ष पद तथा गोपनीयताको शपथ लिने कार्यक्रम छ ।