191
चैत ३०,पोखरा – मुस्ताङबाट म्याग्दीको बेनीतर्फ आउँदै गरेको बसको झ्यालबाट टाउको बाहिर निकाल्दा गेटमा ठोक्किएर एक किशोरीको मृत्यु भएको छ ।
मृत्यु हुनेमा सल्यानको त्रिवेणी गाउँपालिका–६,लवाङकी १५ वर्षीया सरस्वती ओली रहेको जिल्ला प्रहरी कार्यालय म्याग्दीले जनाएको छ ।
गए राति करिब १० बजेतिर रा १ ख १६१३ नम्बरको बस म्याग्दीको बेनी नगरपालिका– ९, गलेश्वरस्थित धर्मशाला परिसरभित्र जाने क्रममा टाउको गेटमा ठोक्किएर उनी गम्भीर घाइते भएकी थिइन् ।
गम्भीर घाइते उनलाई बेनी प्रादेशिक अस्पतालमा उपचारका लागि पु¥याएलगत्तै चिकित्सकले मृत घोषणा गरेका थिए। उनको शव पोष्टमार्टमका लागि अस्पतालको शव गृहमा राखिएको छ भने बस चालकलाई प्रहरीले नियन्त्रणमा लिएको छ ।
