असोज ११,पोखरा – पोखरा स्थित अन्नपुर्ण उपभोक्ता शहकारी संस्था लिमिटेडको एघारौं वार्षिक साधारण सभा पोखरा वडा नं. १५ तल्लो नयाँगाउँ टोल विकास संस्थाको सभाहलमा शनिवार सम्पन्न भएको छ । राष्ट्रिय शैक्षिक तथा सामाजिक विकास संस्था नेष्डो नेपालका संस्थापक अध्यक्ष, सामाजिक अभियन्ता विश्व प्रकाश प्रसाईले पानसमा दिप प्रज्वलन गरी सो साधारण सभाको समूदघाटन गर्नु भएको थियो ।
साधारण सभामा प्रमुख अतिथिको आसनवाट वोल्दै प्रसाईले शहकारी संस्थाले वर्तमान अवस्थामा पनि ८ प्रतिशत लाभांश दिन सक्षम रहेकोमा वधाई दिंदै शुसासित रुपमा संस्था सञ्चालन गरी शेयरधनिलाई प्रतिफल दिन सक्षम हुनु सह्रानीय रहेको वताउनु भयो । संस्थालाई सफल रुपमा सञ्चालन गर्न अध्यक्ष देखि समिति, उपसमिति र कर्मचारीको उल्लेख्य भुमिका रहने भन्दै अन्नपुर्ण उपभोक्ता संस्था पोखराभरकै उदाहरणीय संस्था मध्ये एक रहेको उहाँको भनाई थियो । विगतमा सहकारी संस्थाको नेतृत्वले नियमसंवत काम नगरेको कारण सयौं सहकारी सञ्चालकहरु कानूनी दायरामा गएको भन्दै संस्थाले आफ्नो प्रतिष्ठालाई भविस्य निरन्तरता दिने तर्फ ध्यान दिनुपर्ने उहाँको भनाई थियो ।
मन्तव्यको क्रममा प्रमुख अतिथि प्रसाईले संस्था भित्र कुनै राजनीतिक, धार्मिक तथा अन्य कुनै पनि विभेद हुनु नहुने भन्दै आगमी दिनमा चुनाव चिन्ह हेरेर होईन, उम्मेदवारको व्यक्तित्व र इमान्दारीता हेरेर मतदान गर्नुपर्ने वताउनु भयो । विजया दशमी तथा शुभ दिपावलीको शुभकामना व्यक्त गर्दै प्रमुख अतिथि प्रसाईले दशैं तिहार हिन्दुहरुको महान पर्व भएता पनि यस अवसरमा प्रदान गरिने शुभकामना जुनसुकै धर्मालम्वीहरुको लागि भएको वताउनु भयो ।
कार्यक्रममा वोल्दै लेखा परीक्षक विष्णु वरालले आँफूले गहिरीएर संस्थाको हिसाव जाँच गरेको तर कहिंकतैवाट पनि संस्थालाई हानिनोक्सानी हुने काम नभएको वताउनु भयो । सहकारी संस्थाका सदस्य निशा गुरुङ्गले हामीले विश्वास गरेर लगानी गरेका संस्थाले हाम्रो विश्वास वमोजिम उत्कृष्ठ कार्य गरेको वताउनु भयो ।
कार्यक्रममा संस्थाका अध्यक्ष क्याप्टेन नरेश थापाले संस्थाको आर्थिक वर्ष २०८१÷८२ को वार्षिक प्रगति तथा चालु आर्थिक वर्ष २०८२÷८३ को वार्षिक कार्यक्रम, कोषाध्यक्ष क्याप्टेन ठाकुर वहादुर थापा मगरले संस्थाको आर्थिक प्रतिवेदन र शहकारी पसलका संयोजक क्याप्टेन प्रेम वहादुर थापा मगरले सहकारी पसलको प्रतिवेदन पेश गर्नु भएको थियो । साधारण सभाले पदाधिकारीवाट प्रस्तुत प्रतिवेदनहरुलाई सर्वसम्मतीले पारित गर्नुका साथै चालु आर्थिक वर्षको लेखा परीक्षण नियुक्ती र पारिश्रमिक निर्धारण, कर्मचारीको सेवा सुविधा पुनरालोकन, वचत तथा कर्जाको व्याजदर पुनरवलोकनको साथै घरभाडाको पुनरावलोकन गर्नको लागि सञ्चालक समितिलाई अख्तियारी प्रदान गरेको छ ।
कार्यक्रममा उत्कृष्ठ शेयर पदाधिकारी, उत्कृष्ठ शेयर सदस्य, उत्कृष्ठ कर्मचारी, उत्कृष्ठ ग्राहकलाई सम्मान गरिएको थियो । कार्यक्रममा जेष्ठ सदस्यलाई सम्मान गरिएको छ ।
कार्यक्रम संस्थाका अध्यक्ष क्या. नरेश थापाको अध्यक्षता, उपाध्यक्ष विमला गुरुङ्गको स्वागत एवम् निर्वमान सचिव महेश कुमार थापाको सञ्चालनमा सम्पन्न भएको रेडियो समृद्ध सहकर्मी सुस्मा प्रसाईले सम्प्रेषण गर्नुभएको समाचारमा जनाइएको छ ।
