मङ्लबार, फाल्गुन ६, २०८१
Tuesday, February 18, 2025
Home Featured News काभा वुमन्स नेसन्स लिग : लिग चरणको अन्तिम दुई खेल आज

काभा वुमन्स नेसन्स लिग : लिग चरणको अन्तिम दुई खेल आज

by sambridhaonline

२१ साउन, काठमाडौं । काभा वुमन्स भलिबल नेसन्स लिग अन्तर्गत लिग चरणका अन्तिम दुई खेल आज हुँदैछ । जसमा घरेलु टोली नेपालले माल्दिभ्ससँग खेल्नेछ भने भारतले श्रीलंकासँग खेल्नेछ ।

आज हुने दुवै खेलको समय परिवर्तन भएको छ । नेपाल भलिबल संघका अनुसार भारत र श्रीलंकाबीचको पहिलो खेल दिउँसो १ बजे सुरु हुनेछ । यस्तै नेपाल र माल्दिभ्सबीचको दोस्रो खेल दिउँसो सवा ३ बजे सुरु हुनेछ ।

दुवै खेल त्रिपुरेश्वरस्थित राखेप कभर्डहलमा हुनेछ ।

आजको खेलपछि लिगचरणका खेलहरु सकिनेछन् र सेमिफाइनल समीकरण तय हुनेछ । पाँच राष्ट्र सहभागी प्रतियोगितामा इरान, भारत, नेपाल र श्रीलंकाले सेमिफाइनलमा स्थान बनाइसकेका छन् । माल्दिभ्स भने एक खेलअघि नै अन्तिम हुने निश्चित भएपछि लिगबाटै बाहिरिएको छ ।

लिगको चारै खेल खेलिसकको इरान ३ जित र १ हारबाट ७ अंक जोडेर शीर्ष स्थानमा छ । तीन खेल खेलेको भारतले २ जित र १ हारबाट ७ अंक नै जोडेको छ र दोस्रो स्थानमा छ । २ जित र १ हारबाट ६ अंक जोडेको घरेलु टोली नेपाल तेस्रो स्थानमा छ । श्रीलंका ४ अंकसहित चौथो स्थानमा छ ।

आजको खेलमा नेपाल र भारत दुवै विजयी भए भारत लिगमा शीर्ष स्थानमा पुग्नेछ भने नेपाल दोस्रो हुनेछ । यस्तोमा नेपालले सेमिफाइनलमा इरानसँगै खेल्नुपर्नेछ । यदि नेपालले माल्दिभ्सलाई हराउने र भारत श्रीलंकासँग सोझो सेटमा पराजित भएमा भने नेपाल शीर्ष स्थानमा पुग्नेछ ।

You may also like

हाम्रो बारेमा

यो वेबसाइट ………………… को आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

उपयोगी लिंकहरु

सम्पर्क ठेगाना

पोखरा–१७, ड्यामसाईड
समृद्ध मिडियो हाउस
E-mail: [email protected]
मोबाईलः 

प्रकाशकः

समृद्ध मिडियो हाउस,
पोखरा–१७, ड्यामसाईड ।

प्रवन्ध निर्देशकः

वि.पी. प्रसाई

व्यवस्थापकद्वयः

लक्ष्मी कुमारी मेधासी प्रसाई,
सावित्री खत्री क्षेत्री लामिछाने

कार्यकारी सम्पादकः

उत्तम प्रसाद अधिकारी

सम्पादकः

रविन कार्की  

सूचना विभाग दर्ता नं.

Copyright © 2024 SambridhaOnline