मङ्लबार, फाल्गुन ६, २०८१
Tuesday, February 18, 2025
Home Featured News पोखरामा आजदेखि राष्ट्रिय औद्योगिक व्यापार मेला एवम् आईटी महोत्सव

पोखरामा आजदेखि राष्ट्रिय औद्योगिक व्यापार मेला एवम् आईटी महोत्सव

by sambridhaonline

माघ १०,पोखरा – कास्कीको पोखरामा आजदेखि राष्ट्रिय औद्योगिक व्यापार मेला एवम् आईटी महोत्सव शुरू हुँदैछ ।

नयाँबजारमा रहेको प्रदर्शनी केन्द्रमा व्यापार मेलासँगै १२ औं क्यान इन्फोटेक तथा चौथो मोबाइल एक्सपो–२०२५ आयोजना गरिएको छ ।

‘लगानीको सम्बर्द्धन : उद्योग व्यवसायको प्रवर्द्धन’ नाराका साथ आयोजना भएको मेलामा औद्योगिक,कृषिजन्य, हस्तकलाका उत्पादन, सूचना प्रविधि, शिक्षा, स्वास्थ्य, पर्यटनलगायतको प्रवर्द्धन तथा बजारीकरण, अन्य प्रदेशका निजी क्षेत्रले अवलम्बन गरेका असल अभ्यास, आवश्यक सहकार्य र गण्डकीमा लगानी आकर्षित गर्ने उदेश्य रहेको आयोजक पोखरा उद्योग वाणिज्य सङ्घले जनाएको छ ।

मेलामा देशका सातवटै प्रदेशका मौलिक र हस्तकलाका उत्पादनको प्रदर्शनी, औद्योगिक उत्पादन, घरायसी सामान, कम्प्यूटर र मोबाइल, पुष्प प्रदर्शनीलगायत रहेका छन् ।

गण्डकी प्रदेशमा रहेका ठूला, मझौला र साना उद्योगको उत्पादन, रोजगारी सिर्जना, नयाँ सम्भावनाको खोजी, प्रविधि र अरु ठाउँमा भइरहेका असल अभ्यासलाई समावेश गर्ने सक्दो प्रयास गरिएको आयोजकले जनाएको छ ।

मेलाको गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गर्ने पोखरा उद्योग वाणिज्य सङ्घका अध्यक्ष गोकर्ण कार्कीले जानकारी दिनुभयो । सङ्घका महासचिव शोभा गौतमका अनुसार मेलामा निजी क्षेत्रबीच सहकार्य र सम्भावनाबारे पनि छलफल हुनेछ ।

प्रचार–प्रसार संयोजक तथा सङ्घका कार्यसमिति सदस्य मनोहरि पौडेलका अनुसार मेलामा विश्वस्तरमा चल्तीमा रहेका आर्टीफिसियल इन्टलिजेन्स (एआई), उन्नत सीसी टीभी सर्भिलेन्स पनि उपलब्ध हुनेछन् । मेला आउँदो २१ गतेसम्म चल्नेछ ।

You may also like

हाम्रो बारेमा

यो वेबसाइट ………………… को आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

उपयोगी लिंकहरु

सम्पर्क ठेगाना

पोखरा–१७, ड्यामसाईड
समृद्ध मिडियो हाउस
E-mail: [email protected]
मोबाईलः 

प्रकाशकः

समृद्ध मिडियो हाउस,
पोखरा–१७, ड्यामसाईड ।

प्रवन्ध निर्देशकः

वि.पी. प्रसाई

व्यवस्थापकद्वयः

लक्ष्मी कुमारी मेधासी प्रसाई,
सावित्री खत्री क्षेत्री लामिछाने

कार्यकारी सम्पादकः

उत्तम प्रसाद अधिकारी

सम्पादकः

रविन कार्की  

सूचना विभाग दर्ता नं.

Copyright © 2024 SambridhaOnline