136
असार २३,पोखरा – धादिङकी १६ वर्षीया एक किशोरी विगत चार दिनदेखि पोखराबाट बेपत्ता भएकी छिन्।
धादिङको गंगाजमुना गाउँपालिका–८ घर भइ पोखरा महानगरपालिका–४ बस्दै आएकी १६ वर्षीया अनुषा विक बेपत्ता भएकी हुन्।
प्रहरीका अनुसार अनुषा असार २० गते कोही कसैलाई नसोधी आफूखुसी घरबाट निस्किएर हिँडेकी थिइन् । तर घर नफर्कीएपछि अभिभावकले खोजीको लागि प्रहरीलाई अनुरोध गरेका छन्।
अभिभावकले आफन्त, साथीसङ्गीकोमा खोजतालास गर्दा फेला नपरेको भन्दै प्रहरीले किशोरीको हुलिया सार्वजनिक गरेको छ।
किशोरीलाई कहिँकतै देखेभेटे प्रहरीलाई खबर गर्न पनि प्रहरीले अनुरोध गरेको छ।
