101
भदौ ११,पोखरा – वडा प्रहरी कार्यालय बैदामको टोलीले लागूऔषध सहित एक पुरुषलाई पक्राउ गरेको छ । पोखरा महानगरपालिका ८ इन्द्रपुरी मार्गबाट गाँजा र प्रतिबन्धित औषधि सहित एक पुरुषलाई पक्राउ गरेको हो ।
प्रहरीले लागुऔषधको कारोबार भइराखेको भन्ने सूचनाको आधारमा खानतलासी गर्दा सोही स्थानका ४६ वर्षिय रमेश थापाको कोठाबाट ठूलो मात्रामा लागुऔषध बरामद गरेको हो । जिल्ला प्रहरी कार्यालय कास्कीका सूचना अधिकारी डिएसपी हरिबहादुर बस्नेतका अनुसार थापाको कोठाबाट ब्रुफिनुर्फिन एक सय ६१ एम्पुल, डाइजापाम एक सय ३५ र फेनारगन एक सय ६४, गाँजा चार किलो एक सय ग्राम, डिजिटल तराजु एक थान र मोबाइल एक थान बरामद भएको हो ।
थापाविरुद्ध लागू औषध सम्बन्धी कसुरमा मुद्धा दर्ता गराइ थप अनुसन्धान भइरहेको डिएसपी बस्नेतले जानकारी दिनुभयो ।
