फागुन २१ , पोखरा – देशभर शान्तिपूर्ण र उत्साहजनक रुपमा प्रतिनिधिसभा चुनावको मतदान भइरहेको छ । देशका ७७ वटै जिल्लामा बिहान ७ बजेदेखि शुरु भएको मतदान बेलुकी ५ बजेसम्म चल्नेछ । अहिलेसम्म सबै ठाउँमा शान्तिपूर्ण रूपमा मतदान भइरहेको र शान्ति सुरक्षाको भरपर्दो व्यवस्था मिलाइएको गृह मन्त्रालयले जनाएको छ ।
देशभर शान्तिपूर्ण र उत्साहजनक रुपमा प्रतिनिधिसभा चुनावको मतदान भइरहेको छ । देशका ७७ वटै जिल्लामा बिहान ७ बजेदेखि शुरु भएको मतदान बेलुकी ५ बजेसम्म चल्नेछ । अहिलेसम्म सबै ठाउँमा शान्तिपूर्ण रूपमा मतदान भइरहेको र शान्ति सुरक्षाको भरपर्दो व्यवस्था मिलाइएको गृह मन्त्रालयले जनाएको छ ।
चुनावमा ९६ लाख ६३ हजार ३ सय ५८ पुरुष, ९२ लाख ४० हजार १ सय ३१ महिला र २ सय अन्य गरी १ करोड ८९ लाख ३ हजार ६ सय ८९ मतदाता छन् । यसैगरी, १ लाख ८६ हजार १ सय ४२ अस्थायी मतदाता कायम भएका निर्वाचन आयोगले जनाएको छ ।
चुनावका लागि देशभर १० हजार ९ सय ६७ मतदानस्थलमा २३ हजार १ सय १२ मतदान केन्द्र निर्धारण गरिएको छ । १ सय ४३ अस्थायी मतदानस्थल तय भएको छ । चुनावका लागि सुरक्षाका लागि ७९ हजार ७ सय २७ नेपाली सेना, ७५ हजार ७ सय ९७ नेपाल प्रहरी, ३४ हजार ५ सय ६७ सशस्त्र प्रहरी बल, १ हजार ९ सय २१ राष्ट्रिय अनुसन्धान र १ लाख ४९ हजार ९० निर्वाचन प्रहरी परिचालन भएका छन् ।
