36
फागुन २६ , पोखरा – कास्की कारागारबाट जेनजी आन्दोलनको क्रममा फरार भएका एक कैदीलाई प्रहरीले ६ महिनापछि पोखराबाट पक्राउ गरेको छ ।
डाँकाचोरी मुद्दामा कैद सजाय काटिरहेका बेला आन्दोलनको मौका छोपेर भागेका सूर्य बहादुर घर्ती क्षेत्रीलाई प्रहरीले पृथ्वीचोकबाट नियन्त्रणमा लिएको हो ।
कास्कीको माछापुच्छ्रे गाउँपालिका वडा नम्बर ४ लाचोक घर भएका उनलाई सोमबार दिउँसो नेपाल प्रहरी प्रदेश कार्यालय पोखरा र जिल्ला प्रहरी कार्यालय कास्कीबाट खटिएको संयुक्त टोलीले पोखरा पृथ्वीचोकमा पक्राउ गरेको हो ।
