फागुन २८ , पोखरा – सामूहिक बलात्कारपछि हत्या भएको भनिएकी १६ वर्षीया इनिसा विकको पोस्टमार्टम रिपोट आएको छ । भेरी अस्पताल बाँकेका फरेन्सिक विशेषज्ञ डा. अर्विन शाक्यको टोलीले प्रदेश अस्पताल सुर्खेतमा पुगेर शव परीक्षण गरेका थिए । जसमा यौन सम्बन्धका लागि जबर्जस्ती करणी गर्दा मृतकको संवेदनशील अङ्ग च्यातिएको र अत्यधिक रक्तश्राव हुँदा मृत्यु भएको हुनसक्ने कुरा उल्लेख गरेको छ ।
‘पोस्टमार्टममा डाक्टरले ठ्याक्कै यही हो भनेर दाबी गरेको छैन, त्योचाहिँ भिसेरा परीक्षणपछि यकिन गर्न सक्ने भनेको छ,’ रिपोर्ट अध्ययन गरेका एक अनुसन्धान अधिकृतले भन्नुभयो , ‘रिपोर्टको व्याख्यामा चाहिँ जेनाइटल पार्टहरूमा चोटपटक लागेको भनिएको छ, त्यो भनेको यौनाङ्ग, भित्र हाइमनदेखि पाठेघरमा पनि चोट लागेको कारणले अत्यधिक रक्तश्राव भएको देखिन्छ ।’
सोही कारण इनिसाको मृत्यु भएको हुन सक्ने रिपोर्टमा उल्लेख छ ।
