मंसिर २६, पोखरा – यही मंसिर २८ मा नेपाल पत्रकार महासंघको जिल्ला, प्रदेश र केन्द्रीय समितिको निर्वाचन एकैसाथ हुदैछ । निर्वाचन अन्तर्गत बुधवार जिल्ला शाखहरुमा उम्मेदवार मनोनयन सम्पन्न भएको छ । यसैक्रममा कास्कीमा पनि केन्द्र र प्रदेशमा जस्तै २ प्यानल चुनावी मैदानमा उत्रिएका छन् । प्रेस युनियन र प्रेस चौतारीको समीकरण अनुसार कास्की शाखाको अध्यक्ष पदमा चौतारीका माधव बराल र प्रेस सेन्टरसहित विभिन्न संगठनबाट सेन्टरका राजेन्द्र अधिकारी उम्मेदवार बनेका छन । बराल यसअघि कास्की पत्रकार महासंघका सचिव र अधिकारी पूर्व उपाध्यक्ष हुन् ।
यसैगरी उपाध्यक्षतर्फ भने ३ जनाको उम्मेदवारी परेको छ । युनियन चौतारी समुहबाट माधवप्रसाद रेग्मी, सेन्टरसहितको समुहबाट श्रीराम सिग्देल र बागी उम्मेदवारका रुपमा युनियनका कमल पौडेल अथकले उम्मेदवारी दिएका छन । यस्तै महिला उपाध्यक्षमा चौतारीकी कंचन थापा र सेन्टरकी बिनाकुमारी थापा (बिनु) को उम्मेदवारी परेको छ भने सचिवमा युनियनका भूपाल गुरुङ र सेन्टरका सन्देश श्रेष्ठले उम्मेदवारी दिएका छन् । समावेशी सहसचिवमा दिलप्रसाद गुरुङ र धनबहादुर गुरुङ (सुमन), सहसचिवमा मधु अधिकारी र श्रीभद्र पौडेल, कोषाध्यक्षमा युवराज गुरुङ (युनिश), राजाराम पौडेल र सुरेश अधिकारीको उम्मेदवारी परेको छ ।
यसैगरी ८ खुला सदस्यका लागि अर्जुन (सुशान्त) गाहा, गौरव त्रिपाठी, चिरन्जीवि पौडेल (उत्तम), तुलसीराम सुवेदी, दीपक श्रेष्ठ, निराजन अधिकारी, पुष्पराज दाहाल, बालकुमारी पौडेल (तारा), बिष्णु गौतम, राजु गिरी, रिखिराम जिसी, सन्तोष सुवेदी, सन्दीप पौडेलले उम्मेदवारी दिएका छन् । कविता घर्तिमगर र देवीका तामाङले महिला सदस्यको उम्मेदवारी दिएका छन भने दलित सदस्यमा सन्तोष परियार र सुरेश सुनारको उम्मेदवार छन । आदिवासी जनजाति सदस्यमा भने पुनम थापामगर र अन्य समावेशी सदस्यमा सूर्यबहादुर परियारको मात्रै उम्मेदवारी परेको छ । केन्द्रीय परिषद् सदस्यमा ११ र प्रदेश परिषद् सदस्यमा १७ जनाको उम्मेदवारी परेको छ ।
