167
फाल्गुन २१,पोखरा – आज कोशी र गण्डकी प्रदेशका हिमाली र पहाडी केही क्षेत्रबाहेक देशका धेरै ठाउँको मौसम सफा छ ।
पश्चिमी न्यून चापीय प्रणालीको आंशिक प्रभावले कोशी र गण्डकी प्रदेशका पहाडी केही ठाउँमा मौसम आंशिक बदली रहेको जल तथा मौसम पूर्वानुमान महाशाखाले जनाएको छ ।
मौसम पूर्ण रुपमा खुलेसँगै काठमाण्डौ उपत्यकालगायत देशका धेरै ठाउँमा अधिकतम तापक्रम बढ्न थालेको छ ।
आज काठमाण्डौको न्यूनतम तापक्रम ८ देखि १० र अधिकतम तापक्रम २४ देखि २६ डिग्री सेल्सियससम्म पुग्न सक्ने अनुमान छ । हिजो काठमाण्डौको अधिकतम तापक्रम २३ देखि २५ डिग्री सेल्सियस रहेको थियो ।
आज सबैभन्दा धेरै भैरहवाको अधिकतम तापक्रम ३२ देखि ३४ डिग्री सेल्सियससम्म पुग्ने महाशाखाको अनुमान छ । यस्तै जनकपुर, धरान, धनगढी, नेपालगञ्जलगायतका क्षेत्रमा तापक्रम ३२ डिग्री सेल्सियससम्म पुग्ने अनुमान छ ।
