163
चैत २९,पोखरा – म्याग्दीमा बोलेरो जिप मर्मत गर्ने क्रममा च्यापिएर एक जनाको मृत्यु भएको छ ।
मृत्यु हुनेमा धवलागिरि–३ मुनाका अन्दाजी २६ वर्षीय रोहित शेरपुञ्जा रहेको जिल्ला प्रहरी कार्यालयले जनाएको छ ।
बिहीबार दिउँसो धवलागिरि गाउँपालिकाको ताकम–मच्छिम–मुना सडकअन्तर्गत उत्तिसिनेमा सडक छेउमा रोकिराखेको ग १ ज ७०४९ नम्बरको बोलेरो जिपको पछाडिको भागले च्यापिएर शेरपुञ्जाको घटनास्थलमै मृत्यु भएको हो ।
प्रहरीका अनुसार सडक छेउमा रोकेर राखेको गाडी मर्मत गर्ने क्रममा लच्किएर शेरपुञ्जाको शरिरको कम्मरमा च्यापेको छ । शेरपुञ्जाले गाडी मर्मत सम्बन्धी काम गर्थे ।
