11
असोज ११ , पोखरा – पाल्पाको माथागढी गाउँपालिका–३ भैसकट्टामा पहिरोले घर पुरिँदा एकै परिवारका तीन जनाको अवस्था थाहा हुन सकेको छैन । आज बिहान ५ बजे घर माथिबाट पहिरो खसेको हो । पहिरोले घर पुरेपछि ७० वर्षीय लिलबहादुर घर्ती मगर, उहाँकी छोरीहरु १७ वर्षीया झरना र १५ वर्षीया दिना घर्ती सम्पर्कविहीन भएको वडाअध्यक्ष तेजबहादुर घर्ती मगरले जानकारी दिनुभयो ।
घर माथिबाट आएको ठूलो ढिस्कोसहितको पहिरोले घर नै देख्न नसक्ने गरी पुरेको छ । ठूलो ढिस्को र पहिरो आएकाले उद्धारमा समस्या भएको गाउँपालिकाका अध्यक्ष यम चिदीले बताउनुभयो । घटनालगत्तै सुरक्षाकर्मीको टोली खोजी तथा उद्धारमा खटिएका अध्यक्ष चिदीले जानकारी दिनुभयो ।
