असोज ०८ ,पोखरा – केहि दिन देखि सफा रहेको मौसममा आजदेखि भने बदली हुने पुर्वनुमान छ ।
मनसुनको न्यून चापीय रेखा सरदर स्थानको दक्षिणतिर अवस्थित रहेकाले आजदेखि आउँदो शनिबार सम्म नै मौमस बदली रही देशका धेरै ठाउँमा पानी पर्ने सम्भावना रहेको मौसम पूर्वानुमान महाशाखाले जनाएको छ ।
आजदेखि शनिबारसम्म निरन्तर झरी नभए पनि केहिबेर रोकिँदै पानी पर्ने मौसमविद्ले बताएका छन् ।
आज पनि पोखरा उपत्यका सहित , गण्डकी प्रदेश ,कोशी प्रदेश , बाग्मती प्रदेश र मधेश प्रदेशका केहि ठाउँमा बिहानदेखि नै हल्का वर्षा भइरहेको छ ।
त्यस्तै आज दिउँसो लुम्बिनी प्रदेशका पश्चिमी भाग तथा सुदूरपश्चिम प्रदेशका तराईका धेरै ठाउँमा मेघगर्जन÷चट्याङ्सहित हल्का वर्षा तथा केही ठाउँमा मध्यम र एक÷दुई ठाउँमा ठूलो वर्षाको सम्भावना भएको छ ।
बिहिवार देखि भने शनिबार सम्म नै पूर्वदेखि पश्चिमसम्मका सबै जिल्लामा भारी वर्षा हुने भएकाले यसबाट जनजीवन प्रभावित हुने महाशाखाले जनाएको छ ।
महाशाखाका अनुसार इलाम, पाँचथर, तनहुँ, लम्जुङ, कास्की, स्याङ्जा, पाल्पा, गुल्मी, अर्घाखाँची, प्युठान, रोल्पा, दाङ, सुर्खेत, सल्यान, रुकुम, जाजरकोट, कैलाली, कञ्चनपुर, डडेलधुरा लगायतका २७ जिल्लामा वर्षा र यसको जोखिम रहने छ ।
वर्षाबाट दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना छ । त्यसैले भारी वर्षाबाट हुनसक्ने गेग्रान बहाव, बाढी, पहिरो, भू–क्षय जस्ता प्रकोपको जोखिमबाट बच्न पनि विभागले सबैलाई अनुरोध गरेको छ
