133
असोज १५,पोखरा – पोखरा महानगरपालिका वडा नं ४ नालाकोमुखमा संचालनमा रहेको सूर्यदर्शन बचत तथा ऋण सहकारी संस्थाको रकम अपचलन गरेको आरोप लागेका थप एकजना पक्राउ परेका छन । पक्राउ पर्नेमा गुल्मीको मुसिकोट नगरपालिका वडा नं. ४ स्थायी ठेगना भइ हाल ललितपुर महानगरपालिका–१५ खुमलटार बस्ने वर्ष ३२ की लीला पछाई रहेकी छन ।
उनलाई यही असोज १४ मा पक्राउ गरी कास्की जिल्ला अदालतबाट ४ दिनको म्याद थप गरी अनुसन्धान अघि बढाइएको कास्की प्रहरीले जनाएको छ । उनीमाथि सेयर, बचत तथा जगेडा लगायत विभिन्न कोषमा हुनुपर्ने रकम सहकारी ऐन, नियमावली र संस्थाको विधान विपरित हिनामिना एवं अपचलन गरी सहकारी संस्थाबाट गैरकानुनी रुपमा गितेन्द्रबाबु राईसंग मिलेमतो गरी ३ करोड भन्दा बढी रकम आफ्नो बैंक खातामा लगी चल अचल सम्पत्ति खरिद गर्ने र शेयर कारोबारमा लगानी गर्ने गरेको आरोप छ ।
