212
असोज १८, पोखरा – नवलपुरको कावासोतीमा आज बिहान गण्डकी बोर्डिङ स्कुलको बसले ठक्कर दिँदा नाबालकको मृत्यु भएको छ । मृत्यु हुनेमा कावासोती नगरपालिका वडा नं १ छहारीचोकका यम पौडेलका २२ महिने छोरा सम्राट पौडेल रहेका छन् ।
कावासोती-१ छहारीचोकको भित्री सडकमा ना१क ५८१७ नम्बरको बसले ठक्कर दिँदा बालक गम्भीर घाइते भएका थिए ।
बालकलाई उपचारका लागि नवलपुर अस्पताल कावासोती लगिएकोमा चिकित्सकले मृत घोषणा गरेको नवलपुरका प्रहरी नायब उपरीक्षक वेदबहादुर पौडेलले जानकारी दिए ।
बसचालक शिवप्रसाद च्वाइलाई नियन्त्रणमा लिएर अनुसन्धान गरिरहेको प्रहरीले जनाएको छ ।
