मंसिर १५ , पोखरा – ट्रकको ठक्करबाट पोखराकी सामाजिक अभियन्ता गिभिना मगरकी आमाको मृत्यु भएको छ । पोखरा २५ हेम्जाको याम्दीमा शुक्रबार बेलुकी ट्रकले ठक्कर दिँदा उनकी आमा ५५ वर्षीया धनकुमारी बुढाको मृत्यु भएको हो ।
घान्द्रुकबाट पोखरातर्फ आउँदै गरेको ग२ख १४६० नम्बरको ट्रकले ठक्कर दिँदा गम्भिर घाइते भएकी बुढाको मणिपाल शिक्षण अस्पतालमा उपचारको क्रममा मृत्यु भएको थियो ।
ठक्कर दिने ट्रक र चालकलाई प्रहरीले नियन्त्रणमा लिएको छ । धनकुमारी जेब्रा क्रसिङबाटै बाटो काटेको तर दौडिएर सडक पार गरेको सीसी फुटेजमा देखिएको प्रहरीको भनाई छ ।
धनकुमारी श्रीमानसँगै सडक पार गर्न लागेको समयमा उनी भने अगाडि बढेको देखिन्छ । सवारी साधन र सवारी चालक पाँचथर फाल्गुनन्द गाउँपालिका वडा नम्बर ३ घर भई पोखरा १ बगर ४५ बर्षीय पृथी प्रसाद तामाङलाई नियन्त्रणमा लिएको प्रहरीले जानकारी दिएको छ । घटनाका बारेमा थप अनुसन्धान भईरहेको प्रहरीले जानकारी दिएको छ ।
