235
माघ २४,पोखरा – न्युरोड टिम (एनआरटी) क्लबलाई हराउँदै चर्च ब्वाइज युनाइटेड पोखरा गोल्डकप फुटबलको क्वाटरफाइनलमा पुगेको छ ।
पोखरा रङ्गशालामा आज भएको तेस्रो प्रि–क्वाटरफाइनलमा चर्च ब्वाइजले एनआरटीलाई सडन डेथमा ६–५ गोलले हरायो । निर्धारित ९० मिनेटको खेलमा १–१ गोलको बराबरी भएपछि खेलमा ३० मिनेट थप भएको थियो । थप समयमा पनि गोल नभएपछि खेल टाइब्रेकरमा पुगेको हो । अब चर्च ब्वाइजले क्वाटरफाइनलमा माघ २८ गते त्रिभुवन आर्मी क्लबसँग खेल्नेछ ।
प्रतियोगितामा ३ वटा विदेशीसहित १० वटा टोली रहेका छन् । २४औं संस्करणको पोखरा गोल्डकपको फाइनल खेल आउँदो फागुन ३ गते हुनेछ । प्रतियोगिताको विजेताले १२ लाख १ हजार र उपविजेताले ६ लाख १ हजार रुपैयाँ पुरस्कार पाउनेछन् ।
