69
फाल्गुन १६,पोखरा – महाशिवरात्रीको अवसरमा पशुपति क्षेत्रमा आएका श्रद्धालु भक्तजनहरुको मोबाइल चोरी गर्ने २ जना पक्राउ परेका छन् ।
पक्राउ पर्नेमा गोरखाको गोरखा नगरपालिका ६ घर भई हाल काठमाडौँ महानगरपालिका २६ गोंगबु बस्ने ३१ वर्षीय बिजय मगर, गोरखा बारपाक गाउँपालिका ४ घर भई हाल गोंगबु मै बस्ने ३४ वर्षीय अभिषेक गुरुङ रहेका छन् ।
उनीहरुलाई बुधबार साँझ अस्थायी प्रहरी विट, गुम्बा बालाजुबाट खटिएको प्रहरी टोलीले बिभिन्न कम्पनीका १० थान मोबाइलसहित बालाजु बसन्तनगर गुम्बा नजिकबाट नियन्त्रणमा पक्राउ गरेको हो ।
उनीहरुलाई आवश्यक कारबाहीको लागि प्रहरी वृत्त गौशाला पठाएकोमा काठमाडौँ जिल्ला अदालतबाट ५ दिन को म्याद थप गरी अनुसन्धान भईरहेको प्रहरीले जनाएको छ ।
