196
चैत्र ०४,पोखरा – म्याग्दीमा रुखबाट खसेर एक जनाको मृत्यु भएको छ ।
मृत्यु हुनेमा धवलागिरि गाउँपालिका–७, ताकमका ६० वर्षीय थमन खत्री रहेको प्रहरीले जनाएको छ ।आइतबार साँझ खत्री घर नजिकैको जंगलमा खनियाँको रुखमा चढेर घाँस काट्ने क्रममा खसेका थिए । खत्रीलाई स्थानीयले मृत अवस्थामा फेला परेका थिए ।
खत्रीको शव पोष्टमार्टमका लागि जिल्ला अस्पताल बेनीमा राखिएको र घटनाबारे थप अनुसन्धान भइरहेको प्रहरीले जनाएको छ ।
