192
चैत १४,पोखरा – स्याङ्जामा १३ वर्षीया नाबालिकलाई जबरजस्ती करणी गरेको आरोपमा एक जना पक्राउ परेका छन् । पक्राउ पर्नेमा स्याङ्जा पुतलीबजार नगरपालिका – ७ का २४ वर्षीय सुन्दर गौतम रहेका छन् ।
गौतमलाई मंगलबार पक्राउ गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिए ।
प्रहरीका अनुसार ती नाबालिकलाई गत ९ गते डर त्रासमा पारी जबरजस्ती करणी गरेको भन्ने उजुरी परेको थियो । ती नाबालिकका अभिभावकले दिएको उजुरीको आधारमा गौतमलाई पक्राउ गरिएको डिएसपी पौडेलले बताए ।
पक्राउ परेका गौतमलाई जबरजस्ती करणी शीर्षकमा मुद्धा दर्ता स्याङजा जिल्ला अदालतबाट म्याद थप अनुमति लिई आवश्यक अनुसन्धान अगाडि बढाइएको प्रहरीले जनाएको छ ।
