117
जेष्ठ ६,पोखरा – तनहुँमा घाँस काट्ने क्रममा भीरबाट लडेर दुई महिलाको मृत्यु भएको छ।
सोमबार बिहान ऋषिङ गाउँपालिका ३ सोलुङ स्थित कटोर्के सामुदायिक वनको भीरबाट लडेर उनीहरूको मृत्यु भएको हो।
ऋषिङ गाउँपालिका ३ की ६२ वर्षीया श्रीमाया राना र देवघाट गाउँपालिका २ की २६ वर्षीया खिमसरा मगरको मृत्यु भएको जिल्ला प्रहरी कार्यालय तनहुँले जनाएको छ ।
बिहानै घाँस काट्न गएका दुवैजना अबेरसम्म पनि नफर्किए पछि खोज्ने क्रममा दुवै मृत फेला परेको प्रहरीले जनाएको छ।
प्रहरीले घटनाबारे अनुसन्धान गरिरहेको जनाएको छ।
