जेष्ठ १५,पोखरा – पोखरामा अवैध लागू औषध सहित २ जना पक्राउ परेका छन् ।
पक्राउ पर्नेमा पर्वत कुस्मा नगरपालिका १२ ठुलिपोखरी स्थाई घर भई हाल पोखरा महानगरपालिका ४ नालाकोमुख बस्ने २६ वर्षीया सिमा दर्जी र २६ वर्षीय आशिष श्रेष्ठ रहेको जिल्ला प्रहरी कार्यालय कास्कीले जनाएको छ ।
मंगलबार दिउँसो ४ बजेतिर पोखरा महानगरपालिका ५ शातिनगरचोक स्थितमा लागू औषधको कारोबार भइरहेको भन्ने सूचनाको आधारमा लागू औषध नियन्त्रण व्युरो शाखा कार्यालय पोखरा र यस कार्यालय मातहत वडा प्रहरी कार्यालय बैदाम कास्कीबाट खटिएको प्रहरी टोलिले उनलाई पक्राउ गरेको हो ।
प्रहरीले उनीहरुलाई खानतलासी लिँदा कालो झोलामा लुकाई छिपाई राखेको अवैध लागूऔषध बुप्रिनर्फिन १६७ एम्पुल, डाईजापाम १६८ एम्पुल र फेनरागन १६६ एम्पुल गरी जम्मा ५०१ एम्पुल र मोबाईल थान ३ समेत वरामद गरेको छ ।
पक्राउ परेका उनीहरुलाई कास्की जिल्ला अदालतबाट लागू औषध सम्बन्धी मुद्दामा ६ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।
