असार ३२,पोखरा – कास्की माछापुच्छ्रे गाउँपालिका– ७ फेदीबाट जुवातास खेलिरहेको अवस्थामा ५ जना पक्राउ परेका छन् ।
पक्राउ पर्नेमा पोखरा महानगरपालिका– २५ सुईखेत बस्ने बर्ष ४० कोगंगा बहादुर थापा, माछापुच्छ्रे– ८ ल्वाङघलेल बस्ने बर्ष ४० को चन्द्रमान तामाङ, माछापुच्छ्रे– ७ फेदीका बर्ष ४१ को बिनोद गुरुङ, बर्ष ५३ कोधिर बहादुर गुरुङ र वर्ष ४७ को कृष्ण बहादुर गुरुङ रहेका छन् ।
उनीहरुलाई जिल्ला प्रहरी कार्यालय कास्की र वडा प्रहरी कार्यालय बगरबाट खटिएको संयुक्त प्रहरी टोलिले मंगलबार साँढे ५ बजे पक्राउ गरेको हो ।
प्रहरीले उनीहरुको साथबाट नगद ७३ हजार ४१० रुपैयाँ र ४ बुक ताससमेत बरामद गरेको छ ।
पक्राउ परेका उनीहरुलाई जिल्ला प्रशासन कार्यालय कास्कीबाट सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसूर अन्तर्गत जुवा खेल्न वा सट्टेवाजी गर्न नहुनेमुद्दामा ५ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।
