166
भदौ ९,पोखरा – पोखरा वडा नं. १३ आर्वामा नगर बस दुर्घटना हुँदा २३ जना घाइते भएका छन् ।
सोमबार आर्वा मणिदीपबाट काहुँखोला झर्ने क्रममा ग १ख ४०२७ नम्बरको बस दुर्घटना भएको हो । बसको ब्रेक फ्रेल भएपछि चालकले नियन्त्रण गुमाउँदा सडक छेउको नालीमा पुगेर भित्तामा ठोक्किन पुगेको हो।
गाडी चालक ४२ वर्षीय तेजबहादुर मगर प्रहरीको नियन्त्रणमा रहेका छन् ।
बसमा सवार बिना बरालले भनिन्ः ‘बस डिलमा गएको भए भिर थियो, बाँचिने थिएन। कुनामा ठोक्किएर बाँचियो। भगवानले आज बचाउनुभयो।’
दुर्घटनामा घाइते सबैको उद्धार गरी अस्पताल लगिएकोमा आधा बढी डिस्चार्ज भइसकेका छन् । ४ जनाकाे अवस्था मध्यम रहेकाे कास्की प्रहरीले जनाएको छ ।
वडाध्यक्ष किरण बरालका अनुसार दुर्घटना हुने बित्तिकै उद्धार हुँदा ठूलो क्षति हुन पाएन । बरालले निजी गाडी र दुई वटा एम्बुलेन्स परिचालन गरेर उद्धार गरेका थिए ।
