असार २६ , पोखरा – इरानका मारिएका सर्वोच्च नेता अली खामेनीलाई उनको मृत्यु भएको चार महिनाभन्दा बढी समयपछि देशकै सबैभन्दा पवित्र शिया तीर्थस्थलमा दफन गरिएको छ । इरानका दिवंगत सर्वोच्च नेता अली खामेनीलाई मृत्युको चार महिनापछि उनको जन्मस्थान मशहदस्थित इमाम रेजा दरगाहमा अन्त्येष्टि गरिएको छ ।
अन्त्येष्टिअघि आयोजित शवयात्रामा करिब एक करोड ५० लाखभन्दा बढी मानिस सहभागी भएको बताइएको छ भने प्रदर्शनकारीले अमेरिकी राष्ट्रपति ट्रम्पविरुद्ध नाराबाजी गरेका छन् ।अन्तिम चरणमा भीड अत्यधिक बढेपछि ट्रक अघि बढ्न नसकेकाले खामेनीको कफिन हेलिकोप्टरमार्फत इमाम रेजाको दरगाह पुर्याइएको थियो । खामेनीले त्यहीँ दफन हुने इच्छा व्यक्त गरेका थिए । अमेरिका र इरानबीचको युद्धविराम पूर्ण रूपमा कार्यान्वयन हुन नसक्दा दुवै पक्षबीच पटक–पटक आक्रमण र प्रत्याक्रमणका घटना भइरहेका छन् ।
अमेरिकी हवाई आक्रमणको जवाफमा इरानले कुवेत, बहराइन, कतार र जोर्डनमा रहेका अमेरिकीसँग सम्बन्धित लक्ष्यहरूमा मिसाइल र ड्रोन आक्रमण गरेको थियो । यद्यपि पछिल्ला झडपका बाबजुद दुवै पक्षले फेरि पूर्ण स्तरको युद्ध सुरु गर्ने कुनै स्पष्ट संकेत नदिएको अलजजिराले जनाएको छ ।
