114
जेष्ठ १३,पोखरा – नवलपरासी (पूर्व)को मध्यविन्दु नगरपालिका–७ मोटरसाइकल दुर्घटना हुँदा दुई जनाको मृत्यु भएको छ । एक जना गम्भीर घाइते भएका छन् ।
आज बिहान ६ बजे चोरमारातिर आउँदै गरेको लु९प८११६ नम्बरको मोटरसाइकल मध्यविन्दु अम्रसा जंगलको भित्री बाटोमा दुर्घटना भएको हो ।
दुर्घटनामा मध्यविन्दु– ७ चोरमाराका २४ वर्षीय नवीन कुमाल र सोही ठाउँका २२ वर्षीय रादिम मिधुनको उपचारका क्रममा मृत्यु भएको प्रहरीले जनाएको छ ।
पश्चिम नवलपरासीको बर्दाघाट नगरपालिका–५ घर भई चोरमारामा टायल–मार्बल सम्बन्धी मिस्त्री काम गर्ने २८ वर्षीय मनिष घर्तीमगर गम्भीर घाइते भएका छन् ।
उनलाई थप उपचारको लागि मेडिकल कलेज भरतपुर रिफर गरिएको छ ।
दुर्घटनाबारे थप अनुसन्धान भइरहेको प्रहरीले जनाएको छ।
