157
माघ ४,पोखरा -पर्बतको कुश्मा नगरपालिका वडा नं. ४ मा रहेको एक कपास उद्योगमा गत् बुधबारराति आगलागी भएको छ ।
हरि श्रेष्ठले सन्चालन गर्दै आएको कालिगण्डकी कपास उद्योगमा विद्युत सर्ट भएर आगलागी भएको प्रहरीले बताएको छ ।
आगलागीबाट पाँच लाख पर्ने कपास पेल्ने मेसिन, सिरक डसना बनाउने दुई हजार पाँच सय केजी कपडा र एक हजार केजी कपासहरू पूर्ण रुपमा जलेर नष्ट भएको जिल्ला प्रहरी कार्यालय पर्वतका प्रहरी निरीक्षक निर बानियाँले जानकारी दिए ।
प्रहरी, स्थानीय व्यक्ति तथा दमकलको सहयोगमा आगो नियन्त्रणमा आएको र मानवीय क्षति नभएको जिल्ला प्रहरी कार्यालय पर्वतले जनाएको छ ।
