माघ १८,पोखरा – गोरखामा एक पसलमा आगलागी हुँदा सामान जलेर नष्ट भएको छ । गोरखा नगरपालिका– १० छेपेटारको तारामाबिस्थित रामशरण पोखरेलको जस्ताले छाएको पसलभित्र आगो लाग्दा सामान जलेर नष्ट भएको जिल्ला प्रहरी कार्यालय गोरखाले जनाएको छ ।
शुक्रबार बिहान ३ बजेको समयमा होटेल तथा फेन्सी पसलको चाबी फुटाएर भित्रको लत्ताकपडा, भाडाकुडा, फ्रिज टेबुलकुर्चीसहित पूरै पसलमा कसैले आगो लगाइदिएको हुन सक्ने प्रहरीको अनुमान छ ।
घटनाको जानकारी पाएलगत्तै बाह्रकिलो प्रहरी चौकीबाट प्रहरी टोली घटनास्थल पुगेपछि स्थानीयको सहयोगमा आगो नियन्त्रणमा लिइएको थियो । आगोलागीबाट मानविय क्षति नभएको प्रहरीको भनाइ छ ।
अहिले प्रहरीले घटनास्थलमा वडाका जनप्रतिनिधि र स्थानिको रोहबरमा क्षतिको मुचुल्का तयार पार्नुका साथै घटनबारे थप अनुसन्धान भइरहेको प्रहरी ले जनाएको छ ।