265
फाल्गुन ०९,पोखरा – पृथ्वी राजमार्गअन्तर्गत तनहुँको बन्दीपुर गाउँपालिका–४ बिमलनगर खण्ड एक महिनासम्म आंशिक रूपमा बन्द हुने भएको छ ।
बन्दीपुर–४ चुनपहराको सडक निर्माण कामलाई तीव्रता दिन आजदेखि चैत ९ गतेसम्म यातायात व्यवस्था कार्यालय विमलनगरबाट नयाँ पुलसम्म पॉच सय मिटर खण्ड आंशिक रूपमा बन्द गर्न लागिएको हो ।
यो सडक आवश्यकताअनुसार समय–समयमा ४५ मिनेटदेखि एक घण्टासम्मका लागि बन्द गरिने मुग्लिन–पोखरा सडक योजना पूर्वी खण्डका इन्जिनियर विष्णुप्रसाद पाण्डेले जानकारी दिनुभयो ।
आंशिक रूपमा सडक बन्द गरिने अवधिमा साना गाडी तथा मोटरसाइकलले वैकल्पिक मार्ग (विमलनगर–मस्र्याङ्दी पुल–कुमाल गाउँ–नयाँपुल पुल) को प्रयोग गर्न सक्नेछन् ।
ठूला गाडीका चालकलाई रोक्दा र चलाउँदा कडाइका साथ आफ्नो लेन अनुशासन कायम राख्न सडक योजनाले अनुरोध गरेको छ ।
