208
जेष्ठ २६,पोखरा – पोखराको बेगनास तालमा पौडी खेल्ने क्रममा डुबेर बेपत्ता भएका एक जनाको शव भेटिएको छ ।
हिजो बेलुकीपख पोखरा महानगरपालिका वडा नम्बर ३१ माझीकुनामा रहेको बेगनास तालमा पौडी खेल्ने क्रममा बेपत्ता भएका गोरखाको शहीद लखन गाउँपालिका वडा नम्बर ३ मनकामनाका ४३ वर्षीय राजेश श्रेष्ठको शव भेटिएको हो ।
सशस्त्र प्रहरी बल नेपाल नम्बर २४ कालिका गणबाट खटिएको गोताखोर टोलीले शव फेला पारेर निकालेको सशस्त्र प्रहरी बल नेपालका सहायक प्रवक्ता एवम् प्रहरी नायब उपरीक्षक (डीएसपी) शैलेन्द्र थापाले जानकारी दिनुभयो । थापाका अनुसार आज झन्डै ३५ फिट गहिराइमा श्रेष्ठको शव फेला परेको हो ।
